கடற்புரத்து பௌர்ணமி

அது ஏனோ எப்போதும்
கடற்புரத்து பௌர்ணமி
தனி அழகு....

முழுதாய் சூரியன்
மேற்கே மறையும் போது
அவனிடமிருந்து பெற்ற ஒளியை
அவனுக்கே வழங்கும் கம்பீரத்துடன்
கிழக்கே தோன்றும்
கடற்புரத்து பௌர்ணமி
எப்போதும் தனி அழகு...

மனங் கொள்ளா மகிழ்ச்சியோ
மனம் கொல்லும் கவலையோ
ஒரு நிமிடமாவது
உலகை மறக்கச் செய்யும்
கடற்புரத்து பௌர்ணமி
எப்போதும் தனி அழகு

எப்போதும் நச்சரிக்கும்
என்னை கூட
வாய்மூடி மௌனியாக்கும்
கடற்புரத்து பௌர்ணமி
என்னுடையவர்க்கு
எப்போதும் தனி அழகு