அமேசானில் ஆர்டர் செய்து வாங்கிய
அம்சமான சுடிதாரில்
ஃபளிக்கர் ஆஃபரில் கிடைத்த
புது குக்கர், கேஸ் அடுப்பில்
பாலிஷ் செய்யப்பட்ட
பச்சரிசி இட்டு
இனிப்பு நீக்கிய வெல்லமிட்டு
கொழுப்பு நீக்கிய பாலிட்டு
ஒரு ஸ்பூன் நெய் இட்டு
அரை முந்திரியிட்டு
செய்து இறக்கிய பொங்கலை
ஆதவன் வந்து அரைநாள் ஆன பின்பு
அவனுக்கும் கண்ணில் காட்டி
மீதி அரைநாளை
தொலைக்காட்சியில் தொலைத்து.....
நாகரீக நவநாகரீக பொங்கல் ஐயா
எம் வீட்டில்.....
மஞ்சு விரட்டு,
வாடிவாசல் மாடுவிரட்டு
இரண்டாம் வருடமாய்
இல்லையென்ற போதும்
என் சகோதரிகளின் கண்ணீர்
சூட்டில் வேகும் பொங்கல்
நிஜ பொங்கல் ஐயா.....
பொங்கலுக்கு வாழ்த்துவதா....
போராட்டத்துக்கு வாழ்த்துவதா.....
பழக்கதோஷம்....
பொங்கல்நல் வாழ்த்துகள் தோழியரே....
No comments:
Post a Comment