அரும்புகள்

 

எப்போதும் மண்ணில் விழுந்து கொண்டே இருக்கிறது

வீழ்ந்தவைகளைத் தொடுக்கலாம் என அருகில் செல்ல

என் நிழல் பட்டு அவை மறைந்து விடுகிறது..

சூரிய அரும்புகள்...

 

 

 எப்போதும் மண்ணில் விழுந்து கொண்டே இருக்கிறது

விழுந்தவை பூக்கும் காய்க்கும் கனியும் என இருந்தேன்..

அவை பூக்கவுமில்லை காய்க்கவும் இல்லை கனியவுமில்லை

விழுந்த அரும்புகள் எல்லாம் பூத்தே ஆக வேண்டும் என்று

விதி ஒன்றும் இல்லை

இருந்து விட்டு போகட்டுமே சில சமயம்

பூக்காத அரும்புகளும்....