வரிசையில்தான்
நிற்பதுபோல் தோன்றும்.
வரிசையும் மாறிடக் கூடும்.
முன்னிற்பவர் பின்னேயும்
பின்னிற்பவர்
முன்னேயும்
மறைந்திடக்கூடும்.
வரிசை எண் தரப்படாத
வரிசையும் இதுதான்.
எவரும் முந்திச்செல்ல விரும்பா
வரிசையும் இதுதான்.
நமக்கான நேரம்
வந்து விட்டது எனும்போது வராது.
வரவே வராது என்றாடும்போது
வந்து விடும்.
அடங்கவும் மாட்டோம்;
அறிந்திடவும் மாட்டோம்;
நேரம் வரும்போது
அழுதே புலம்புவோம்;
எத்தனை பிறவியெடுத்தென்ன
எதனையும் கற்காது
ஆட்டத்தைத் தொடருவோம்.
No comments:
Post a Comment