என் மௌனத்தை உடைத்தால்...

என் மௌனத்தை 

யார் உடைப்பது 

என்னைத் தவிர.. 

எனக்கு உடைக்கும் எண்ணம்

 இப்போதைக்கு இல்லை. 

உடைத்தால் 

உன் இதயம் உடையுமே. 

 எந்தன் மௌனம் 

 எழுப்பும் ஆரவாரத்தில் 

உந்தன் சொற்களின் 

 சப்தங்கள் எடுபடுமா?

 என் மௌனம் உடைந்து

 உன்னிடம் கேள்விகளாகும் போது

 என்ன பதில் உரைப்பாய்? 

என் மௌனம் எனக்குப் பழக்கம். 

உன் அமைதி உனக்குப் பழக்கமா?

 விட்டு விடு .. 

மௌனம் உடைக்கும் எண்ணம் 

இப்போதைக்கு இல்லை எனக்கு.